Nərmin Knyaz: "Mənə heç kim pis şərh yazmır" - VİDEO

AZXEBER.COM-un budəfəki müsahibi tanınmış jurnalist, influencer Nərmin Knyazdır.

 

 

- Mən Nərmin Knyaz. Artıq 3 ildən çoxdur ki, İctimai Televiziyada yayımlanan " 1 şəhər və 24 saat” səyahət proqramının, "61 intellektual” oyununun aparıcısı və eyni zamanda "Filmable Entertainment”in qurucusuyam.

 

 

- Mən ,əslində, həmişə blogger sözündən qaçmağa çalışmışam. İnfluencer mənə daha uyğundur. Çünki blogger daha çox buna iş kimi yanaşan və sistematik şəkildə instagramda paylaşım edən şəxsdir. Bunun üçün onlar çox vaxt sərf edirlər. Mən isə daha çox getdiyim yerlərdən daha rahat materiallar çıxarıb, paylaşım edə bilirəm. Paylaşımlarım kiməsə təsir edirsə, ilham olursa özümü influencer hesab edə bilərəm. Mən hardasa ilk dəfə 2013-cü ildən instagramda paylaşım etməyə başlamışam. Həmin vaxt mən radioda işləyirdim, aparıcı idim. Fərqli proqramların aparıcısı olduğum üçün daha aktiv instagram istifadə etməyə başladım. Həmçinin həmin vaxt izləyicilərim də aktiv idilər. 

 

Sonralar radiodan ayrıldım. Çalışdım ki, səyahətlə bağlı youtube üçün videolar çəkim. Beləliklə, səyahətə marağı olan insanlar məni izləməyə başladılar. Sonra isə televiziya üçün layihə təqdim etdik və qəbul olundu. Məndə həmişə televiziya radio ilə paralel olduğu üçün tək instagrama yönələn fəaliyyətim olmayıb. 

 

 

- Televiziyada daha yaxşı görürəm, hətta kamera arxasında daha yaxşı görürəm, nəinki kamera önündə.

 

 

- Təbii ki, bir çox insanlar səni izləyir. Müəyyən kütləyə müraciət etmiş olursan. Amma sanki onlar səni izləyəndə səndən öz zövqlərinə uyğun olaraq davam etməyini gözləyirlər. Səni hansısa şəkildə və videoda görürlər. Bəziləri bəyənir, bəziləri bəyənmir. Bəyənməyənlər isə neqativ rəylər yazmağa başlayırlar. Deməzdim ki, indiyə qədər həddən artıq neqativ rəy almışam. Çox zaman o rəyləri ciddiyə almıram. Çünki əksəriyyəti sağlam düşüncə ilə yazılmış rəy deyil. Buna isə təəssüf hissi ilə yanaşıram.

 

 

- Çünki səyahəti çox sevirəm. Uşaqlıqdan həmişə düşünmüşəm ki, mən səyahət edəcəm, dünyanı gəzəcəm. Jurnallardan fərqli ölkələrin şəkillərini kəsirdim, çıxarırdım. Bayrağını, əhalisini, paytaxtını və s. araşdırırdım. Yeni şəhər tanımağı, yeni insanlar görməyi, kəşf etməyi çox sevirəm. Buna görə də səyahət mənim ən sevdiyim məşğuliyyətdir.

 

 

- Aynişan çox əla yol yoldaşıdır. Düz deyiblər, insanı yolda tanıyarlar. Aynişanla çox gözlənilməz bir anda qərar vermişdik. Mən həmin vaxt səyahətdə idim. O səyahət mənim ən çox əyləndiyim, ən çox güldüyüm səfərlərimdən biri idi. Adətən, mən verilişin çəkilişi ilə bağlı səyahət edirəm. Mənə bununla bağlı yazırlar ki, yaxşı istirahət et, xoş istirahətlər və s. İstirahətdən daha çox qaça-qaçda oluram. Hər yerdə 2-3 gün vaxtım olur. Doğrudan da istirahət etmək alınmır. Amma Aynişanla ilk səfərim yeni il ərəfəsində olmuşdu. Onda çəkiliş yox idi. İstirahət edirdik və çox əyləncəli olmuşdu.

 

 

- Yəqin ki, psixoloqdan soruşsaq, hər rəngi ayrı formada xarakterizə edərlər. Amma mənim postlarım getdiyim yerə uyğun olaraq dəyişir. Misirdə çəkdirdiyim şəkillərə baxsanız, orda daha çox qəhvəyi tonlardan istifadə etdiyimi görərsiniz. Məsələn, Amsterdama gedib orda qəhvəyi tonlardan istifadə edə bilməzdim. Balkanlar səfərimə diqqət etsəniz, görərsiniz ki, hər yer dəniz, günəş, qum və s. orda daha çox mavi tonlardan istifadə etmişəm. Yəni istifadə etdiyim tonlar getdiyim yerlərə uyğun olaraq dəyişir.

 

 

- Mən "Foksi” platformasına bağlıyam. Rəhbərlik Xəyalə xanıma məxsusdur.  Bütün reklam müraciətlərini, danışığı, qiyməti, post sayını,tarixi və s. hamısını Xəyalə xanım idarə edir. Həmçinin mən kreativ insanam. Hansısa məhsulu reklam etməmişdən əvvəl onu necə fərqli və düzgün formada təqdim edəcəyimi düşünürəm. Mən reklam edərkən maddi tərəfini və çatdıracağım vaxtı düşünmürəm. İstəyirəm ki, mənə yaradıcı tərəfi düşsün.

 

 

- Suallar daha çox xanımlardan gəlir. Ən çox soruşulan suallar səyahətlə bağlı olur. Viza müraciətləri, nə qədər xərc olduğu və s. Əsas da təhsillə bağlı suallar çoxluq təşkil edir. Şirkəti necə qurduğumla bağlı, komandamızla çalışmaq istəyənlər də yazırlar. İnstagramı yeni istifadə etməyə başlayanda düşünürdüm ki, suallar əsasən səyahətlə bağlı olacaq. İlk postumu İstanbulda olarkən paylaşmışdım. Postun altında tarixi ilə bağlı yazmışdım. Amma mənə rəy bölməsində geyindiyim yubkanı, çəkdiyim pomadanı soruşanlar da var idi. Bununla da başa düşdüm ki, səhifəm tək səyahətlə bağlı olmayacaq.

 

 

- Mən 1 dəfə ailə həyatı qurub ayrılmışam. Deməzdim ki, tələsmişəm. Öz seçimimlə olub. Amma ailə qurmaq  elə bir şeydir ki, gərək bir dəfə yox, bir neçə dəfə düşünəsən. İnsanın təcrübəsi ilə düşüncələri dəyişir. Yenidən ailə qurmağı düşünərəm. Amma bu dəfə doğru zamanda, doğru insanla.  Düzdür, çox vaxt səfərdə oluram, öz şəxsi həyatıma vaxt ayıra bilmirəm. Amma düşünürəm ki, artıq 30 yaşım var. Özüm üçün doğruları və yanlışları ayıra biləcək yaşdayam. 

 

 

- Ola bilər. Mənim bununla bağlı heç bir qadağalarım və stereotiplərim yoxdur. 

 

 

- Bəzən məndən soruşurlar ki, necə oldu bura qədər gəlib çıxa bildiniz, iki verilişiniz var, öz şirkətinizi qurdunuz. Digərləri isə bunun neqativ versiyasıdır. Bəzən deyirlər ki, bu işi tək başına etməyib. Bir qadın öz başına nəyisə edəndə  həmişə nədənsə şübhə ilə yanaşırlar. Bəzən elə əminliklə yazırlar ki, heyrətlənirəm. İzləyicilərimin hər birinə çox uğurlu olmağı arzu edirəm ki, heç birinin beynində başqalarına qarşı belə fikirlər olmasın. Hər kəsin özünü bir fərd olaraq inkşaf etdirməsini istəyərəm. Nə qədər ki, yaşayırıq oxuyun, yaradın, arzularınızın arxasınca gedin.