“Saytlar Nigarın azad olunacağını yazırlar, amma bizdə belə bir məlumat yoxdur”.Bu sözləri “Qafqazinfo”ya açıqlamasında Müsavat başqanının müavini Tofiq Yaqublu qızı Nigar Yaqublunun bu gün həbsdən azad ediləcəyi ilə bağlı xəbərlərə aydınlıq gətirərkən bildirib.Tofiq Yaqublu qeyd edib ki, Azərbaycan hüquqi dövlət olsaydı, məhkəmə sistemi azad şəkildə fəaliyyət göstərsəydi, buna ümid etmək olardı: “Amma belə bir vəziyyətdə buna inanmaq bir qədər çətindir”.Xatırladaq ki, bu gün saat 11:30-da Abşeron Rayon Məhkəməsində Nigar Yaqublunun işi üzrə proses keçiriləcək.
