AZXEBER.COM HaberGlobal-a istinadən xəbər verir ki, Türkiyənin Qars şəhərində yaşayan Zehra nişanlısı ilə meşədə gəzərkən cinayət hadisəsi baş verib.

 

Bunun ardından Zehra şübhəli şəxs qismində saxlanılıb. 2016-cı ilsə sosial şəbəkədə tanış olan və 2019-cu ildə nişanlanan cütlük toy alış-verişi etmək üçün görüşüblər. Lakin meşədə gəzərkən onlar dalaşmağa başlayıb və Zehra Aras nişanlısı Emrah Öztürkün boğazını kəsərək öldürüb.

 

Polis araşdırma zamanı Zehranın nişanlısı ilə meşəyə girdiyi lakin oradan tək çıxdığını sübut edib. Qəsdən adam öldürmə maddəsi ilə tutulan Zehranın mühakiməsinə başlanıb.

 

Lakin Zehra Aras ifadəsində Emrahı onun öldürmədiyini, qorxduğu üçün yalan ifadə verdiyini açıqlayıb: "Emrahla sosial mediada tanış olduq və bu tanışlıq getdikcə irəlilədi. Hər dəfəsində mənə xeyli miqdarda pul göndərirdi. Daha sonra onun əqli çatışmazlığı olduğunu öyrəndim. Lakin ona yazığım gəldi və evlənməyə razı oldum. Ona tək şərtim evli olduğumuz müddətdə mənə əl qaldırmaması idi. Razı oldu və mənə təkidlə evlənmək istədiyin deyirdi.

 

Artıq 8 ay idi nişanlı idik. Ailəsi də mənimlə çox yaxşı rəftar edirdi. Emrahın pul göndərdiyini onlar da bilirdi və özləri də mənə qızıl alırdı. Sonuncu dəfə toy alış-verişi etmək üçün görüşdük. Yenə mənə qızıl aldı və təkidlə pul verdi. Xəstə olmasına baxmayaraq çox yaxşı insan idi”.

 

Zehra Aras cinayəti etiraf etdiyi ifadəsini təzyiq altında verdiyini deyib: "Ondan əvvəlki gün xeyli miqdarda spirtli içki qəbul etmişdim. Özümü çox pis hiss edirdim. Emrah da səhəri günü məni xəstəxanaya aparacağını təkid etdi. Evlərinin önündəki meşəlik ərazi ilə getməyə başladıq. Cibindən bir bıçaq çıxarıb məni öldürəcəyini dedi. Zarafat etdiyini düşünürdüm amma qaçmağa başladım. Emrah da mənim ardımca əlində bıçaqla qaçırdı. Qaçarkən üzü maskalı bir şəxs Emrahın əlindəkini alıb, onu bıçaqladı. Başqa bir maskalı şəxs də mənim ardımca qaçmağa başladı. Meşədən çıxışı güclə tapıb, qaçmağı bacardım. Emrahı mən öldürməmişəm".

 

Zehra Arasın əqli cəhətdən problemi olub-olmamasını araşdırmaq üçün məhkəmə tibbi ekspertizasına göndərilib.