Norveçi qan gölünə çevirən terrorist məhkəmə qarşısında

Sentyabrın 19-da Norveç terrorçusu Anders Breyvikin məhkəmə prosesi başlayacaq. AZXEBER.COM-un məlumatına görə, məhkəmə prosesini aparan Ann Marqaret baş verən hadisə ilə əlaqədar maraqlı olan şəxslərin də burada iştirak etməsi üçün hər kəsə müraciət edib. Məhkəməyə jurnalistlər, hadisə zamanı digər zərər çəkən şəxslər, öldürülənlərin yaxınları və bəzi digər şəxslər də buraxılacaq. Lakin məhkəmə geniş ictimaiyyət üçün qapalı olacaq. Jurnalistlərə şəkillər çəkmək qadağan ediləcək və aldıqları məlumatları yaymaqda müəyyən qədər məhdudiyyət qoyulacaq. Məhkəmədə Norveç terrorçusunun həbs müddətinin uzadılması məsələsi müzakirə ediləcək.