Baş verənlər barədə azarkeş danışıb.
İngiltərənin futbol üzrə Premyer liqasının 38-ci turunda “Mançestr Yunayted” - “Bornmut” komandaları arasında keçiriləcək matç terror aktı ehtimalına görə təxirə salınıb. Təxliyyə olunanlar arasında azərbaycanlı azarkeşlər də olub.
Oxu.Az xəbər verir ki, bu barədə BBC-yə azarkeşlərdən biri danışıb.
“Biz Azərbaycandan gəlmişik. 8 saat çəkən uçuşdan sonra Mançestrə çatdıq. Ümid edirik ki, oyun daha təxirə salınmayacaq”, - azarkeş bildirib.
Qeyd edək ki, mayın 15-də keçiriləcək matç, “Old Trafford” stadionunda şübhəli zərf aşkar edildikdən sonra təxirə salınıb.
İki tribuna təxliyyə edilib. Matç mayın 17-nə Bakı vaxtı ilə saat 23:00-a keçirilib. (Report)
