Məşhur amerikalı aktyor Maykl Medson yeniyetmə oğlu ilə qəddarcasına rəftarına görə həbs edilib. ANS PRESS-in verdiyi məlumata görə, polis M.Medsonu spirtli içkinin təsiri nəticəsində oğlu ilə dalaşdığını və ona xəsarət yetirməkdə ittiham edir. Aktyorun vəkili isə Maykl Medsonun oğlunu marixuana çəkdiyi yerdə yaxalayaraq ona cəza verdiyini bilrib. “Bu ailədaxili məsələdir. Maykl onun şəxsi həyata olan hüququna hörmət etməyə çağırır”, - deyə aktyorun vəkili bildirib. Vəkil Maykl Medsonun 100 dollar girov qarşılığında azadlığa buraxıla biləcəyini də istisna etməyib.
