Oman Sultanlığının Kiçik və Orta Müəssisələrin İnkişafı Qurumunun (RIYADA) sədri və Marsol Group arasında görüş baş tutub.
AZXEBER.COM xəbər verir ki, görüş çərçivəsində RIYADA-nın sədri Halima Al, Marsol Group və partnyor şirkətlərin nümayəndələri arasında yeni əməkdaşlıq imkanları və perspektivlər ətrafında fikir mübadiləsi aparılıb.
Görüşdə çıxış edən İş Adamları Cəmiyyətinin Milli Assosiasiyasının (İCMA) İdarə Heyətinin sədri və Marsol Group-un təsisçisi Tural Mustafayev Marsol Group-un fəaliyyəti, sahibkarlığın inkişafı istiqamətində həyata keçirilən layihələr haqqında məlumat verib.
Görüşdə iki ölkənin sahibkarları arasında birgə fəaliyyətlərin təşkili, qarşılıqlı biznes əlaqələrinin genişləndirilməsi və investisiya imkanları müzakirə olunub.
Həmçinin Oman və Azərbaycan biznes mühitləri arasında yeni əlaqələrin qurulması və gələcək əməkdaşlıq istiqamətləri barədə fikir mübadiləsi aparılıb.
