Əməkdar artist Ülviyyə Əliyevayanın anası Zemfira xanım bu gün uzun sürən xəstəlikdən sonra dünyasını dəyişib.
Aktrisa AZXEBER.COM-a verdiyi açıqlamada anasının 8 il öncə xərçəngə yoluxduğunu və müalicə aldığını bildirib.
Onun sözlərinə görə xərçəngə qalib gələn anasının vəfatına səbəb, kimyaterapiyalardan sonra onun yatardığı fəsadlar olub:
"Bu gün anamı itirdim. Çox ağırdır. Bioloji anam deyil, əslində bibimdir. Uşaq yaşlarımdan məni o saxlayıb. O, xərçəngə qalib gəlsə də, dərmanların fəsadları özünü 8 il sonra göstərdi. Kimyaterapiya damarlarını o qədər naziltmişdi ki, qanaxmasını saxlaya bilmədik. Sağ olsun həkimlər, təmannasız 25 gün anam üçün əlindən gələni etdilər. Təəssüflər olsun ki, onu həyatda saxlaya bilmədik".
Qeyd edək ki, aktrisanın anası Zemfira xanım Azərbaycanın ilk stüardessası kimi tarixə düşüb. Mərhum sabah Buzovna qəbristanlığında torpağa tapşırılacaq.
Aysel Hacızadə
