Cinsiyyət dəyişmək Əfqanıstanda vuruşmaqdan çətindir.
İngilis ordusunun hərbçisi Hanna Vinterborn cinsiyyətini dəyişdi.
AZXEBER.COM-un Türkiyə mətbuatına istinadən verdiyi məlumata görə, Əfqanıstanda xidmət edən 27 yaşlı kapitan cinsiyətini dəyişmək qərarına gəlib.
Kapitan Hanna qərarını ətrafındakı insanlara bildirdikdən sonra bunun normal qarşılanması onu sevindirib. Bu qərarının onu Əfqanıstan ordusundan tərxis olunacağına səbəb ola biləcəyi halda o bu fikrindən daşınmayıb. Kapitan istəyini bildirdikdən sonra hormon müalicəsinə başlayıb. Ardınca isə əməliyyat olunub.
"Mənim kimi cinsiyyətini dəyişmək istəyən hərbçilər çoxdur. Ümid edirəm ki, mənim hərəkətim onlara da cəsarət verər", - deyən Hanna yeni həyatından və vücudundan tam məmnun görünür.
Hanna cinsiyyətini dəyişmək istəyənlərin yanında olduğunu qeyd edib.
Qeyd edək ki, ingilis ordusunda bu, ilk belə hadisə deyil. Ondan əvvəl 30 yaşlı Ayla Holdom adlı pilot da cinsiyyətini dəyişmişdi.
Günel
