Optik nişangahlar, qalimatorlar, termal sistemlər, gecəgörmə vasitələri. Bu optik cihazlar müxtəlif silahların, döyüş və texnika vasitələrinin dəqiqliyini təmin edən vacib elementlərdir. Müasir müharibə meydanında, hərbi əməliyyatlarda, xüsusilə antiterror əməliyyatlarında optik sistemlərdən, termal nişangahlardan və gecəgörmələrdən istifadə edilir. Hazırda Azərbaycan Müdafiə Sənayesi Nazirliyinin “Alov” zavodunda Silahlı Qüvvələrimiz üçün 12 adda optik cihaz istehsal edilir.
