Pakistanın şimalında leysan yağışların səbəb olduğu daşqınlar nəticəsində ölənlərin sayı 351 nəfərə çatıb.
Bu barədə "Geo News" kanalı məlumat yayıb.
Bildirilir ki, daşqınlar nəticəsində Xayber-Paxtunxva əyalətində 328, Gilgit-Baltistanda 12, Azad Kəşmirdə isə 11 nəfər həyatını itirib.
Ölkənin şimalında güclü yağışların avqustun 21-dək davam edəcəyi gözlənilir.
Pakistanın Baş naziri Şahbaz Şərif Xayber-Paxtunxva əyalətinə dərman, qida və digər zəruri yardım materiallarının dərhal çatdırılması barədə göstəriş verib.
