"Dünya erməniləri əzabkeş xalq kimi qəbul edir”.
Bu barədə Ermənistanın baş naziri Nikol Paşinyan dekabrın 3-də Milli Assambleyanın iclasında 2025-ci il dövlət büdcəsi layihəsinin yekun variantını təqdim edərkən bildirib.
Onun sözlərinə görə, mövcud vəziyyəti dəyişmək lazımdır.
"Ümumiyyətlə, dünyaya çatdırmaq istədiyimiz mesaj belədir: biz hökumətimizin ən mühüm missiyasını "əzabkeş millət statusunu aşmaq” hesab edirik. Deməliyəm ki, bizim reallıqda bu gündəm yeni deyil. Üstəlik, necə formalaşmasından asılı olmayaraq. Orta hesabla bu vəziyyətə reaksiyamız belə olub və müəyyən dərəcədə belə də davam edir: "millət-əzabkeş” düsturunun həlli "millət-ordu” düsturudur. Ancaq qeyd etməliyəm ki, bu cavabın düzgünlüyünə əmin deyiləm. Hesab edirəm ki, "millət-ordu” formulu "millət-əzabkeş” formulunun məntiqi davamıdır”, - Paşinyan bildirib.
Baş nazirin sözlərinə görə, Ermənistanda güclü ordunun olması zərurəti barədə çox danışılıb.
"Biz bu gündəliyi həyata keçirməyə davam etməliyik. Amma mən istəyirəm ki, özümüzə sual verək: biz nə qədər güclü orduya sahib olmaq və kimdən güclü olmaq istəyirik? Bu məsələdə aydın olmalıyıq. Biz xalqımıza mesaj verməliyik. Mən indi konkret ölkələri misal çəkmək istəmirəm, lakin biz bu suala cavab verməliyik”, - deyə hökumət başçısı bildirib.
Paşinyanın fikrincə, "millət-əzabkeş” və "millət-ordu” düsturuna qalib gəlmək üçün yalnız öz maraqlarını güdən dövlətçilik anlayışını qəbul etmək lazımdır:
"Dövlət xarici siyasətində beynəlxalq hüquqla da məhdudlaşmalıdır”.
///Musavat.com
