Peace for LGBT təşkilatı 13 oktyabr tarixində Avropa Şurasının “Nifrətə Yox” (No Hate) kampaniyasına qoşularaq foto aksiya keçirdi.

AZXEBER.COM-un məlumatına görə, kampaniyada 107 nəfər iştirak edərək öz dəstəyini göstərdi. 

AŞ-nın 2012-2014-cü il çərçivəsində həyata keçirtdiyi bu kampaniya nifrət nitqi, irqçilik, ayriseçkilik və onların onlayn ifadəsinə qarşı bir layihədir. Peace for LGBT Azerbaijan (LGBT üçün Sülh) təşkilatının prezidenti Gülarə Əzimzadə AZXEBER.COM-a müsahibəsində bildirdi: “Hər il dünyada minlərlə insan bu və ya digər növ nifrətin qurbanına çevrilirlər. Azərbaycanda homoseksual gənclər bəzən intihar hallarına qədər gəlib çıxırlar. “Nifrətə Yox” aksiyasında yüzdən çox insan bizə dəstək verdi və bu yeni yaradılmış bir təşkilat üçün sevindirici haldır”. 

Təşkilatın əsas məqsədi Azərbaycanda sekulyar cəmiyyət qurmağa nail olmaq, Azərbaycan vətəndaşının irqindən, dinindən, seksual oriyentasiyasından asılı olmayaraq hər birinin sülh, konfliktsiz şəkildə tolerant ortamda yaşamasıdır. Əlavə məlumatı www.plgbt.org rəsmi saytdan, twitter və instagram hesabından almaq mümkündür

AZXEBER.COM aksiyadan fotoları təqdim edir. Fotoların müəllifi Orxan Azeboy-dır.