Azərbaycanda pensiyaların artırılması ilə bağlı təkliflər hazırlanır.
Azərbaycan prezidenti İlham Əliyevin sədrliyi ilə Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında dövlət başçısının pensiyaların artırılmasına dair tapşırığına uyğun olaraq, Dövlət Sosial Müdafiə Fondu bu sahədə təkliflərin hazırlanmasında yaxından iştirak edir.
AZXEBER.COM bildirir ki, Fondun İctimaiyyətlə əlaqələr sektorundan Trend-ə verilən məlumata görə, qarşıya qoyulmuş vəzifələrlə bağlı Fond tərəfindən hazırlanacaq yeni təkliflər ictimaiyyətə təqdim olunacaq.
