Plastik əməliyyatların yaşa görə planlaşdırılmasının lazım olduğu, doğru zamanda edilən əməliyyatların həm sağlamlıq, həm də estetik baxımdan ən yaxşı nəticələri verdiyi açıqlanıb.
AZXEBER.COM Türkiyə mediasına istinadən xəbər verir ki, bu barədə türkiyəli Estetik Cərrahiyyə Mütəxəssisi Dr. Fethiye Damla Özdemir açıqlama verib.
Rinoplastikanın ən çox tələb olunan əməliyyatlardan biri olduğunu ifadə edən Özdemir bildirib:
"Burun estetiki, yəni rinoplastika üz sümüklərinin inkişafı tamamlandıqdan sonra edilməlidir. Sümük inkişafı adətən qadınlarda 18 yaşında, kişilərdə isə 21 yaşında tamamlanır. Bu yaşdan əvvəl edilən əməliyyatlar üz inkişafı davam etdiyi üçün arzuolunmaz nəticələrə səbəb ola bilər".
Sinə böyütmə və kiçiltmə əməliyyatlarının fərqli yaş qruplarında qiymətləndirildiyini ifadə edən mütəxəssis deyib:
"FDA 22 yaşdan yuxarı xəstələr üçün silikon implantların istifadəsini tövsiyə edir. Ancaq 15-18 yaş arası gənc xəstələrə, xüsusən də böyük sinə səbəbiylə fiziki narahatlığı olanlara sinə kiçiltmə əməliyyatı edilə bilər. Böyük sinə bel, çiyin və boyun ağrılarına səbəb ola bilər və insanın həyat keyfiyyətini ciddi şəkildə azalda bilər. Belə hallarda erkən müdaxilə xəstənin sağlamlığına müsbət təsir göstərə bilər”.
Plastik cərrahiyyədə edilə biləcək ən erkən əməliyyatlardan biri olan qabıq qulaq əməliyyatı (otoplastika) əməliyyatı olduğunu deyən Özdemir bildirib:
"Qulaq inkişafı böyük ölçüdə 6 yaş civarında tamamlanır. Bu səbəbdən çıxıq qulaq əməliyyatı üçün ən yaxşı vaxt uşaqlar məktəbə başlamazdan əvvəldir. Bu yaşda edilən cərrahiyyə uşağın psixoloji və sosial inkişafına müsbət təsir göstərə bilər. Əgər erkən yaşda müdaxilə edilməzsə, sonrakı illərdə insanın özünə inamına mənfi təsir edə bilər".
Hər əməliyyat üçün doğru zamanın fərdə xas olduğunu vurğulayan Özdemir qeyd edib:
"Plastik cərrahiyyə, fərd üçün xüsusi olaraq planlaşdırılması lazım olan bir prosesdir. Plastik əməliyyatlar yaşa uyğun olaraq planlaşdırılmalıdır. Doğru zamanda edilən prosedurlar həm sağlamlıq, həm də estetik baxımdan ən yaxşı nəticəni verəcəkdir. Sadəcə dəb və ya ani istəklərə əsaslanaraq lazımi diqqətə alınmadan verilən qərarlar uzun müddətdə narazılığa səbəb ola bilər. Bu səbəbdən plastik əməliyyat düşünən hər kəs ən uyğun vaxtı müəyyən etmək üçün mütəxəssis plastik cərrahla ətraflı məsləhətləşməlidir”.
Oksana
