Polkovnik-leytenant, şəhid Raqub Orucovun atası İbrahim Orucov insult keçirib. Bu barədə şəhidin həyat yoldaşı Sevinc Orucova məlumat verib.
Şəhidin həyat yoldaşının sözlərinə görə, Raqub Orucovun atası dəfələrlə oğlunun “Milli Qəhrəman” statusu üçün aidiyyatı orqanlara müraciət edib və yüksək rütbəli şəxslərlə görüşüb. Ancaq oğlunun “Milli Qəhrəman” adını almaması atasına pis təsir edib:
"Artıq 20 günə yaxındır ki, insult keçirib, vəziyyəti ağırdır. Sumqayıt şəhərində 1 saylı yataqxanada yaşayırlar. Dəfələrlə özü Müdafiə Nazirliyinə gedib, orda qəbul olunub. Ancaq Raqufa “Milli Qəhrəman” adını çox görürlər. Qapılarda gəzməkdən kişi ölümcül hala düşdü. İndi tək arzusu da elə budur".
///Qaynarinfo.Az
