Fransa millisi və "Yuventus” klubunun futbolçusu Pol Poqbanın "Udineze” ilə İtaliya çempionatının ilk tur matçından sonra verdiyi dopinq testi müsbət nəticə verib.
Görüş avqustun 20-də baş tutub və "Yuve”nin 3:0 hesablı qələbəsi ilə yekunlaşıb.
Ümumdünya Antidopinq Agentliyinin məcəlləsinə əsasən, Poqbanı 4 illik cəza gözləyir. Hazırda o, müvəqqəti olaraq klubun əsas heyətindən kənarlaşdırılıb.
Xatırladaq ki, futbolçunun 30 yaşı var. O, 2018-ci il dünya çempionu, 2016-cı il Avropa çempionatının gümüş mükafatçısıdır. Poqba həm də Avropa Liqasının qalibi (2017), 4 qat İtaliya çempionudur.
