Prezident xəbərdarlıq etdi

İran prezidenti Mahmud Əhmədinejad Suriyaya hərbi müdaxilə edilməsinə qarşı xəbərdarlıq edib. Mətbuat konfransında çıxışı zamanı Əhmədinejad qeyd edib ki, məsələ olduqca həssasdır və Suriya ilə bağlı müharibə təbili çalan ölkələr bu həssaslığı başa düşməlidirlər."Suriya məsələsinin həllində müxtəlif ölkələrlə kontakt qrupu yaratmağa çalışırıq. Vəziyyətin dəyişməsi üçün isə səylərimizi bir az daha artıracağıq. Ümid edirəm ki, Suriya ilə əlaqədər müharibə təbili çalan ölkələr, həmçinin, Avropa və Amerika vəziyyətin həssaslığını anlayacaqlar", - deyə Əhmədinejad əlavə edib.Əhmədinejad çıxışı zamanını, eyni zamanda, Argentina ilə İran arasındakı əlaqələrə toxunub və bildirib ki, hər iki ölkə bəzi məsələlərdə eyni maraqlara və istəklərə malikdir. Onun sözlərinə görə, İran tərəfi mübahisəli məsələlərin təhlili və nizamlanmasında həmişə öz əməkdaşlığını təklif etməyə hazır olduğunu ifadə edib.