Azərbaycan prezidenti İlham Əliyevin daha bir nəvəsi dünyaya gəlib. Ölkə başçısının ötən il iş adamı Səməd Qurbanovla ailə quran kiçik qızı Arzu Əliyevanın oğlan övladı dünyaya göz açıb. AZXEBER.COM-un Türkiyə prezidentinin rəsmi saytına istinadla verdiyi məlumata görə, ötən gün Abdullah Gül Azərbaycan dövlət başçısı ilə görüşdə qısa zaman öncə oğlan nəvəsi doğulması münasibəti ilə həmkarını bir daha təbrik edib. Qeyd edək ki, bu, dövlət başçısının üçüncü nəvəsidir. Prezidentin böyük qızı Leyla Əliyevanın ailə qurduğu iş adamı Emin Ağalarovla əkiz oğlanları dünyaya gəlib. Uşaqlarının adı Mikayıl və Əlidir.
