44 yaşlı Gülnarə Kərimovanın noyabrın 5-də zəhərlənmə nəticəsində vəfat etdiyi bildirilir. Elə həmin günün axşamı Kərimova Daşkənddə yerləşən "Minor” qəbiristanlığında dəfn olunub. Onun məzarı yerlə bərabər edilib.
Gülnarə Kərimovanın adına sosial şəbəkələrdə açılan hesablarda istifadəçilər Kərimovanın ölümünə dair görüntü paylaşılmasını tələb edirlər. Eyni zamanda onun yaşadığına inanan istifadəçilər Kərimovadan cəmiyyət arasında görünməyi və ya ən azı videomüraciət yayımlamağı xahiş edirlər.
Özbəkistan Nazirlər Kabineti Gülnarə Kərimovanın taleyi ilə bağlı heç bir məlumata malik olmadıqlarını, belə bir xəbəri eşitmədiklərini bildiriblər.
Özbəkistan xüsusi xidmət orqanları 2013-cü ilin ikinci yarısında Gülnarə Kərimovanın siyasi ambisiyaları və Özbəkistanı idarə etmək istəyi ilə bağlı problem yaşadığını qeyd ediblər. Bu barədə 75 yaşlı prezident İslam Kərimov məlumatlandırılıb və ona Gülnarənin maliyyə kompromotları ilə bağlı sənədlər təqdim olunub. Bütün bunlardan sonra Gülnarə Kərimova ev həbsinə məhkum edilib. Ona internetdən istifadə etmək, xarici aləmlə ünsiyyət qurmaq qadağan olunub.
2014-cü ilin avqustunda BBC Kərimovadan audio müraciətini yayımlayıb. Bu audio yazıda Kərimova qızına və ona qarşı "itdən daha pis” davranıldığı barədə məlumat verib. 2016-cı ilin sentyabırında Kərimovanın psixoloji xəstəxanaya yerləşdirilməsilə bağlı məlumat yayılıb.
///AzNews.az
