Xalid Nurəddin oğlu Əhədov Azərbaycan Respublikası Prezidentinin sosial‑iqtisadi məsələlər üzrə köməkçisi təyin edilib. Bununla bağlı Prezident İlham Əliyev sərəncam imzalayıb.
AZXEBER.COM Xalid Əhədovun dosyesini təqdim edir:
Xalid Əhədov 4 fevral 1980-ci ildə anadan olmuşdur. Ziyalı ailəsində anadan olan X.Əhədovun anası müəllim, atası həkimdir.
1996-2000-ci illərdə Azərbaycan Dövlət İqtisad Universitetində «Maliyyə və kredit» ixtisası üzrə bakalavr dərəcəsi, 2000-2002-ci illərdə isə həmin ixtisas üzrə magistr dərəcəsi almışdır. 2010-2012-ci illərdə Avropanın, həmçinin dünyanın ən güclü universitetlərindən biri olan Instituto de Empresa (IE) biznes məktəbinə qəbul olmuş və Barcelonada MBA təhsili almışdır.
1999-cu ilin mart ayı - «Bank of Baku» - komanda rəhbəri vəzifəsi, pərakəndə biznes bölməsinin meneceri, müştəri məmnuniyyəti departamentinin rəhbəri vəzifələri
2005-ci il - Bank of Baku- idarə heyəti sədrinin müavini
2012-ci il - Unibank- İcraedici komitənin üzvü
2015 il - Unibank- İcraçı Direktor vəzifəsi
12.07.2016 - "Bank Standard” - baş direktor
2.12.2016 - "Azər Türk Bank" - İdarə Heyətinin sədri vəzifəsinin müvəqqəti icraedicisi
10.01.2017 - "Beynəlxalq Bank" - İdarə Heyətinə sədr
14.03.2018 - "Beynəlxalq Bank" - Müşahidə Şurasının üzvü
Xalid Əhədovun bir sıra yerli və xarici elmi jurnallarda müxtəlif məqalələri işıq üzü görmüşdür.
Qeyd edək ki, Xalid Əhədov keçmiş millət vəkili Nurəddin Əhədovun oğludur.
