Keçən ay təyyarə qəzasında həyatını itirən rus muzdlu "Vaqner” qrupunun lideri Yevgeni Priqojin haqqında diqqətçəkən iddia irəli sürülüb.
AZXEBER.COM xəbər verir ki, iddia beynəlxalq münasibətlər üzrə ekspert və akademik kimi tanınan Valeri Soloveydən gəlib.
Bir vaxtlar Putinə yaxınlığı ilə tanınan və Rusiya-Ukrayna müharibəsində mühüm rol oynayan Priqojin son aylarda Moskva rəhbərliyinə reaksiya göstərərək qısa müddətli üsyana başlayıb.
Lakin Belarusun müdaxiləsi ilə Priqojin Rusiyanı tərk edərək Belarusa sığınıb. Priqojin avqustun 23-də Moskva yaxınlığında olduğu təyyarənin qəzaya uğraması nəticəsində dünyasını dəyişib.
Valeri Solovey deyib ki, Priqojin əslində ölməyib və Karib dənizindəki bir adada yaşayır.
Solovey iddia edib ki, Priqojinin təyyarədə bomba olduğunu təyyarə qəzasından əvvəl öyrənib və bu səbəbdən də təyyarəyə minməyib.
Ayşən
