İstanbul Böyükşəhər Bələdiyyəsinin sədri vəzifəsindən uzaqlaşdırılan və həbs olunan Əkrəm İmamoğlu barədə diplom istintaqında ittiham aktı tamamlanıb.
AZXEBER.COM Türkiyə mətbuatına istinadən xəbər verir ki, İstanbul Cümhuriyyət Baş Prokurorluğu tərəfindən aparılan istintaq çərçivəsində Əkrəm İmamoğlunun diplomunun saxta olduğu aşkarlanıb.
İmamoğluna "rəsmi sənəddə saxtakarlıq” ittihamı ilə 8 il 9 aya qədər həbs cəzası istənilib.
Qeyd edək ki, bir müddət əvvəl İmamoğlunun diplomunun saxta olduğuna dair təsbitlər və gələn anonim məlumatlar əsasında istintaq başladılıb.
İstanbul Universiteti isə İmamoğlunun da daxil olduğu 28 nəfərin diplomlarının "mövcud olmaması” və "açıq texniki səhvlər” səbəbilə geri alınaraq ləğv edildiyini açıqlayıb.
