Azxeber.com-un məlumatına görə, ABŞ Xarici işlər Naziri Hilari Klinton bu barədə danışıb. O, bildirib ki, sonuncu bombalamadan sonra Qəddafi tərəfdarı olan çox sayda komandir və diplomat mövqelərini dəyişməyə başlayıblar.
Fransa və Amerika təyyarələrinin medafiə etdiyi müxalif qüvvələr Əcdəbiyə şəhərini ələ keçirərək Trablusa doğru irəliləyiblər. Neft boru xəttlərinin kəsişdiyi strateji əhəmiyyətli Brega və Ras Lanufu da müqavimətsiz ələ keçiriblər.
İngiltərə Müdafiə Naziri Liam Foks, Liviyanın neft ixracatının böyük hissəsinin həyata keçirildiyi iki terminalın müxaliflərin əlində olduğunu təsdiqləyib.
Qəddafi tərəfdarlarının Sirte şəhərinə çəkildikləri bildirilir. LiviyaXarici İşlər nazirinin müavini Xalid Qaim ordu ilə birlikdə bölgədəki vətəndaşların da çəkildiyini açıqlayıb.O bildirib ki, qüvvələr əsgər və vətəndaş fərqi qoymadan hər kəsi bombalayır.
