41 yaşlı qadın kosmetoloq səriştəsizliyinin qurbanı olub.
AZXEBER.COM Milli.Az-a istinadla xəbər verir ki, Antalyada yaşayan 41 yaşlı Songül Uzunoğlu adlı qadın gözaltındakı qırışları yox etmək üçün kosmetoloqa müraciət edib.
Qadının qarnından götürülən piy onun yanaqlarına və alt dodağına dolğu formasında əlavə edilib. Lakin, kosmetoloqun bacarıqsızlığı nəticəsində bir müddət sonra qadının dodaqları çürüməyə başlayıb, ağzının içində yaralar əmələ gəlib.
Ümumilikdə, 4 əməliyyat üçün 7 min 500 lirə xərcləyən qadın saxtakarlıqla bağlı Türkiyənin Səhiyyə Nazirliyinə müraciət edib. O, günahkarların cəzalandırılmasını istəyir.
Qeyd edək ki, qadının dodaqlarının çürüməsinə səbəb onun dodaqlarından keçən damarların dolğu səbəbindən tutulmasıdır.
