Azərbaycan Respublikası Gənclər və İdman Nazirliyi, "İçərişəhər" Dövlət Tarix-Memarlıq Qoruğu, İDEA kampaniyası, "Təbiət Elmləri" İctimai Birliyi,Modern Marketing Group, "Earth Charter International" layihəsinindəstəyi ilə “İRƏLİ” İctimai Birliyinin Yaşıllar Klubu tərəfindən 2-3 avqust 2013-cü iltarixlərində “Qala” Dövlət Tarix Etnoqrafiya Qoruğunda “Yaşıl İqtisadiyyat” ekoloji düşərgəsi keçiriləcək.
İki gün davam edəcək layihə müddətində iştirakçılara aparıcı ekspertlər tərəfindən “Tullantıların idarə olunması”, “Təbiət vəsəmərəli texnologiya”,“Yaşıl marketing“ və “Təbiət və səmərəli texnologiya” mövzular üzrə təlimlər keçiriləcək.
Eyni zamanda layihə iştirakçıları ətraf-mühitin mühafizəsi və yaşıl iqtisadiyyat mövzularında layihə təklifləri hazırlayacaqlar.
Həmçinin gənclərin SOCAR Ekologiya Parkına və “Qala” Dövlət Tarix Etnoqrafiya Qoruğuna ekskursiyası təşkil ediləcək.
Qeyd edək ki, “Yaşıl İqtisadiyyat” ekoloji düşərgəsinin keçirilməsində əsas məqsəd ətraf mühitin yaxşılaşdırılması və qorunması ilə əlaqədar cəmiyyəti maarifləndirmək, tullantısız və aztullantılı texnologiyalardan istifadə etməyin ekoloji faydaları barədə məlumatlılığın artırılması və iqtisadi inkişafın ətraf mühitə zərərli təsirlərinin azadılması istiqamətində gənclərin rolunun araşdırılmasıdır.
