İstanbul klubu dünya səviyyəli futbolçu transfer edir

İDMAN
15:07 12.07.2020
2089
"Qalatasaray" transfer bombasını partlatmağa hazırlaşır.

 İstanbul klubu Mario Mandzukiçlə danışıqlar aparır.

Qətərin "Əl-Duhail" klub ilə yollarını ayıran xorvat forvardla Türkiyə klubunun rəsmiləri arasında ilk görüş baş tutub. Məlumata görə, Mandzukiç "Qalatasaray"ın təklfinə müsbət yanaşır və Türkiyədə oynamağa razıdı. "Sarı-qırmızılılar" xorvat futbolçuya illik 3,5 milyon avro təklif edir.

Qeyd edək ki, Mandzukiç karyerasına vətənində "Marsonia" klubunda başlayıb (2004-2005). Daha sonra "Zaqreb"in formasını geyinən (2005-2007) futbolçunu 2007-ci ildə "Dinamo" (Zaqreb) 1,5 milyon avroya heyətinə qatıb. Xorvatiya klubu hücumçunu 2010-cu ildə 7 milyon avroya "Volfsburq"a satıb. İki il sonra isə "Bavariya" onu 13 milyon avroya alıb. 

Mandzukiç 2014-cü ildə 22 milyon avro qarşılığında "Atletiko"ya transfer olunub. Xəmi bir il sonra isə "Yuventus" onu 23,4 milyon avro ödəməklə heyətinə qatıb. Xorvat futbolçu 2019-cu ildən "Əl-Duhail"də çıxış edirdi.

Mandzukiç klub karyerası ərzində Xorvatiya çempionluğunu (3 dəfə), kubokunu (2), Almaniya çempionluğunu (2), 2 kubokunu (2), Super Kubokunu (1), İtaliya çempionluğunu (4), kubokunu (4), Super Kubokunu (1), İspaniya Super Kubokunu (1), Çempionlar Liqasını (1), UEFA Super Kubokunu (1) və klublararası dünya çempionluğunu (1) qazanıb. 

2007-2018-ci illərdə Xorvatiya millisinin formasını geyinən Mandzukiç 89 oyunda 33 qol vurub. Futbolçu "DÇ-2018"in gümüş mükafatını qazanıb.
 
///Qaynarinfo

OXŞAR XƏBƏRLƏR

X Mostbet