Bursanın Orhanqazi qəsəbəsində onu zorlamaq istəyən qaynatasını öldürən qadının məhkəməsi keçirilib.
Məhkəmədə əvvəlki ifadəsini təkrarlayan 24 yaşlı Məryəm B. 11 bıçaq zərbəsiylə öldürdüyü 58 yaşlı qaynatası Çətin B.-nın qətliylə bağlı açıqlamalar edib:
"Hadisə günü nahar etdik. Qaynatam çayxanaya, yoldaşım Ş.B. isə saat 15.00-də işə getdi. Axşam evdə kimsə olmadığı üçün duşa girdim. İşıq söndü. Paltarlarımı geyinərək hamamdan çıxdım. İçəridən tıqqıltı səsləri gəlirdi. "Kim var?" - deyə səsləndim. Cavab gəlmədi. Birdən qaynatam məni saçımdan tutaraq sürüməyə başladı. Mənə sahib olmağa çalışırdı. Əlindən xilas olub, qonaq otağına keçdim. Arxamca gəldi. Yenə saçımdan tutaraq məni mətbəxə apardı. Üzərimə uzanıb məni zorlamaq istədi. Qaranlıqda əlimə keçirdiyim bıçaqla zərbələr endirdim. Şokda idim. Özümü evdən çölə atdım. Qışqırdım, heç kim çıxmadı. Yenidən evə qayıtdım. Həyat yoldaşıma zəng etdim. Əvvəllər də polisə zəng edərək "qaynatam məni narahat edir" deyə xəbərdar etmişdim".
Məhkəmədə şahidlərin ifadələri dinlənildikdən sonra məhkəmə gələn həftəyə təxirə salınıb.
