Kocaelinin Gebze bölgəsində xəzinə üçün quyu qazdığı iddia edilən iki nəfər zəhərlənərək ölüb.
AZXEBER.COM xarici mətbuata istinadən xəbər verir ki, hadisə axşam saat 22:00 radələrində Yunan məzarlarının qalıqlarının olduğu iddia edilən Gebze rayonunun meşəlik ərazisində baş verib.
İddiaya görə, meşədə təxminən 10 metr dərinlikdə quyu qazan Temel Sever və Veysəl Eroğlu huşlarını itiriblər. Huşunu itirmiş insanların vəziyyətini yoxlamaq istəyən şəxs də qazdan təsirlənib.
Meyitlərin çıxarılması üçün işə başlayan qruplar quyudakı qazı çıxarmaq üçün səy göstərib. Əməliyyatdan sonra həyatını itirən iki nəfərin cəsədi müayinə olunmaq üçün məhkəmə ekspertizasına aparılıb.
Gülşad
