2024-cü ilin məzunları arasında ali təhsil müəssisələrinə qəbul baxımından ən yüksək nəticə göstərən rayonlardan biri Şahbuz rayonu olub. Bu rayonda məzunların 58.39 faizi tələbə adını qazanıb.
AZXEBER.COM Modern.az-a istinadən xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə 2024/2025-ci tədris ili üçün ali təhsil müəssisələrinin bakalavriat səviyyəsinə tələbə qəbulu imtahanlarının nəticələrinin elmi-statistik təhlili ilə bağlı keçirilən tədbirdə deyib. O bildirib ki, Qubadlıda məzunların 57.7 faizi, Naxçıvanda 56.7 faizi, Ordubadda isə 55.6 faizi ali məktəbə qəbul olunub: "Böyük şəhərlərdən Sumqayıt və Bakıdan olan abituriyentlər arasında isə qəbul faizi müvafiq olaraq 50.2 və 50.4 olub. Mingəçevirdə bu göstərici 49.86, Abşeronda isə 48.9 faiz təşkil edib.
Ən aşağı nəticələr isə İsmayıllı və Naftalan şəhərlərinə məxsusdur. Hər iki bölgədə məzunların ali məktəblərə qəbul faizi 47 faizdən aşağı olub. Lisey şəbəkəsi üzrə isə qəbul göstəricisi 45.92 faizlə nisbətən zəif nəticə olub”.
