QAT-dan AZXEBER.COM-a verilən məlumata görə, 29 iyun Milli Qəhrəmanı Elxan Zülfüqarovun doğum günüdür.
Elxan Qaçay oğlu Zülfüqarov 1954-cü il iyunun 29-da Füzuli rayonu Üçbulaq kəndində anadan olub. O, 1992-ci ildə Milli Ordu sıralarına qoşulub, bölmə komandiri kimi Laçın, Qubadlı, Zəngilan, Füzuli bölgələrində vuruşub, erməni və rus dillərini bildiyinə görə kəşfiyyatda xüsusi xidmətlər göstərib, 1994-cü il yanvarın 4-də əldə etdiyi kəşfiyyat məlumatları Füzuli rayonunun 19 kəndinin azad edilməsində əvəzsiz rol oynayıb, 1994-cü il yanvarın 5-də Şükürbəyli kəndi uğrunda gedən döyüşlərdə qəhrəmanlıqla həlak olub.
Bakı şəhərində Şəhidlər Xiyabanında dəfn edilib.
