Qarabağ Azadlıq Təşkilatının mətbuat xidmətindən AZXEBER.COM- verilən məlumata görə, bu gün Fəxrəddin Vəliyəddin oğlu Nəcəfovun doğum günüdür.
31 mart Azərbaycanın Milli Qəhrəmanı Fəxrəddin Nəcəfovun doğum günüdür. Fəxrəddin Vəliyəddin oğlu Nəcəfov 1967-ci il martın 31-də Bakı şəhərində anadan olmuşdur. O, 1991-ci ildə könüllü olaraq cəbhəyə getmiş, Goranboy, Ağdam istiqamətlərində rəşadətlə vurşmuş, Dağlıq Qarabağın Canyataq və Gülyataq kəndləri yaxınlığındakı döyüşlərdə xüsusi qəhrəmanlıq göstərmişdir. 1992-ci il sentyabrın 4-də Ağdərənin Çıldıran kəndi istiqamətində gedən döyüşdə bölük komandiri kimi vuruşmuş, qəhrəmancasına həlak olmuşdur. Bakı şəhərində Şəhidlər Xiyabanında dəfn olunmuşdur. Nəsimi rayonunda 266 saylı məktəb onun adını daşıyır, məktəbin həyətində büstü qoyulmuşdur.
