QAT-dan AZXEBER.COM-a verilən məlumata görə, 22 may Azərbaycanın Milli Qəhrəmanı Mərifət Nəsibovun doğum günüdür.
Mərifət Əhməd oğlu Nəsibov 1972-ci il mayın 22-də Qazax rayonu Məzəm kəndində anadan olub. O, 1990-cı ildə könüllü olaraq Milli Orduya yazılmış, işğalçı Ermənistanla sərhəd kəndlərin müdafiəsində fədakarlıqla vuruşmuşdur. 1992-ci il yanvarın 28-də Qazax rayonu Quşçu Ayrım kəndinin müdafiəsində qəhrəmancasına həlak olmuşdur.
Qazax rayonu Məzəm kəndində dəfn edilib, rayon mərkəzində adına bulaq tikilib.
