Hacıqabul rayonunda minik avtomobillərinin toqquşması ilə nəticələnən yol qəzası baş verib.
AZXEBER.COM xəbər verir ki, hadisə saat 15 radələrində Bakı-Qazax avtomobil yolunun Hacıqabul rayonu ərazisindən keçən hissəsində qeydə alınıb.
"VAZ-2107” markalı avtomobil dönmə əməliyyatı zamanı sürətlə hərəkətdə olan "Mercedes” markalı avtomobilin qarşısına çıxıb. Nəticədə "VAZ-2107” yoldan çıxaraq restoranın qarşısında dayanan digər avtomobillərə çırpılıb.
Qəza nəticəsində bir ailənin 4 üzvü - Sabirabad sakinləri, 2016-cı il təvəllüdlü Qəhəmanov Yusif Zamin oğlu, 2018-ci il təvəllüdlü Qəhrəmanova Günel Vilayət qızı, 1996-cı il təvəllüdlü Qəhrəmanova Aminə Fikrət qızı və 1990-cı il təvəllüdlü Qəhrəmanlı Vilayət Rzaxan oğlu, həmçinin 2016-cı il təvəllüdlü Bakı sakini Sarıyev Elvin Elşən oğlu müxtəlif dərəcəli xəsarətlərlə Şirvan şəhər xəstəxanasına yerləşdirilib.
Daha 2 nəfər ambulator yardım alıb.
Faktla bağlı araşdırma aparılır.
