Təyyarə qəzası yerinə ilk gələn Qazaxıstandan olan hərbçi həmin anın təəssüratını bölüşüb.
AZXEBER.COM Qazaxıstan mediasına istinadən xəbər verir ki, Aktau yaxınlığında baş verən təyyarə qəzası zamanı ilk olaraq hadisə yerinə gələn Nurlan Botaqar adlı hərbçi təyyarənin qapısını açıb və xilasetmə əməliyyatında iştirak edib.
Məlumata görə, Hava Hücumundan Müdafiə Qüvvələrinin baza stansiyası təyyarənin qəzaya uğradığı ərazidədir. Nurlan Botaqarin həmin hərbi hissədə müqavilə əsasında hərbi qulluqçu kimi xidmət edir. Təyyarənin qəzaya uğradığını görən Nurlan tərəddüd etmədən qəzaya uğrayan təyyarəyə tərəf qaçıb. O gördükləri haqda danışıb:
"Təyyarənin yerə enə bilməyəcəyini və bir neçə dəfə dövrə etdiyini görəndən sonra sona qədər ona baxdım. Hadisə baş verəndə dərhal maşınıma əyləşərək təyyarəyə tərəf yönəldim. Əvvəlcə 10 nəfərlik kiçik bir təyyarə olduğunu düşündüm. Amma çox adam var idi. Qarşıma ağ paltarlı, başı qanlı bir qız çıxdı. Bu qədər ağır vəziyyətləri görəndən sonra həqiqətən şoka düşdüm. Təyyarənin arxa tərəfindəki qapıya qaçdım və arxadan çıxa bilməyən bir neçə nəfər gördüm. Onlara kömək etməyə çalışdım. Mən onlara yardım edəndə "Mangistau Regional Electrotherapeutic Company”nin (MEC) işçiləri və xilasediciləri köməyə gəldilər. Təcili yardım maşınını gördüm və onların yaxınlaşdıqlarını bildim. Mən əlimdən gələni etdim, 10 nəfərə yardım etdim”.
Qeyd edək ki, Nurlan Botagarinin 29 yaşı var, o Aktaunun, Borankul kəndindəndir. Onun 2 qızı övladı var.
