İsrail ordusunun 2023-cü il oktyabrın 7-dən bu yana həyata keçirdiyi hücumlar səbəbindən Qəzza zolağında 850-dən çoxu uşaq olmaqla 4700-dən çox adamın əzalarının kəsildiyi bildirilib.
AZXEBER.COM Türkiyə mediasına istinadən xəbər verir ki,Martın 18-də HƏMAS ilə atəşkəsi pozan İsrail ordusu Qəzzaya hücumlarını davam etdirir.
İsrail ordusunun 7 oktyabr 2023-cü il tarixindən etibarən Qəzzaya qarşı həyata keçirdiyi hücumlarda əksəriyyəti qadın və uşaq olmaqla 51 min 25 nəfər həyatını itirib, 116 mindən çox fələstinli isə yaralanıb.
Bu ölümcül hücumlar Qəzzada bəzi fələstinlilərin həyatını əbədi olaraq dəyişdirir.
Hücumlarda aldığı ağır xəsarətlər və ya İsrailin dərman və tibbi ləvazimatların ölkəyə girişinə icazə vermədiyi üçün çoxlu fələstinli əl-qolunu itirib.
Qəzza Səhiyyə Nazirliyinin baş direktoru Munir Abdullah əl-Berş sosial media hesabından etdiyi paylaşımda, 7 oktyabr 2023-cü ildən bu yana Qəzzada 4700-dən çox insanın İsrailin hücumları səbəbilə əzalarını itirdiyini bildirib.
Oksana
