İsrailin 7 oktyabr 2023-cü ildən intensiv hücumlar həyata keçirdiyi Qəzza zolağında həyatını itirənlərin sayı 53 min 119 nəfərə, yaralı sayı isə 120 min 214 nəfərə yüksəlib.
AZXEBER.COM Türkiyə mətbuatına istinadən xəbər verir ki, bu barədə Fələstin Səhiyyə Nazirliyi açıqlama verib.
Açıqlamada, İsrailin hücumları nəticəsində son 24 saatda 108 nəfərin həyatını itirdiyi, 216 nəfərin isə yaralandığı bildirilib. Əvvəlki hücumlarda ölən daha bir nəfərin cəsədinin tapıldığı da bildirilib.
Belə ki, İsrailin atəşkəsi birtərəfli qaydada pozduğu martın 18-dən bu yana həyatını itirənlərin sayının 2985-ə, yaralıların sayının isə 8173-ə yüksəldiyi bildirilib.
İsrailin 7 oktyabr 2023-cü il tarixindən etibarən hücumlarına başladığından bu yana ümumi can itkisinin 53 min 119 nəfərə, yaralı sayının isə 120 min 214 nəfərə yüksəldiyi qeyd edilib.
Oksana
