Qırğızıstanın İssık-Kul vilayətində 5 bal gücündə zəlzələ qeydə alınıb.
AZXEBER.COM xarici mediaya istinadən xəbər verir ki, Qırğızıstan Seysmologiya İnstitutunun məlumatına görə, zəlzələ yerli vaxtla saat 02:41-də İssık-Kul vilayətinin Öttük kəndindən 5 kilometr aralıda baş verib.
Zəlzələnin gücü Öttük və Kazan-Kuygan kəndlərində 5 bal, Cerge-Tal, Qızıl-Cıldız, Eçki-Başı və Emgekçil kəndlərində 4 bal təşkil edib.
Bundan başqa, bir sıra yaşayış məntəqələrində və Narın şəhərində zəlzələnin gücü 3 bal səviyyəsində hiss olunub.
Zəlzələ nəticəsində ölən və yaralananların, eləcə də dağıntıların olub-olmaması barədə hələlik rəsmi məlumat verilməyib.
Gülay
