Qız şəklində Durmusan qarşımda bir mələk kimi,Mən deyə bilmirəm söz şəkilində.Dalğalı saçların lap külək kimi,Bəlkə əzrailsən qız şəkilində. Geyimin alışır, yanır od kimi,Hey yanıb, sönürsən köz şəkilində.Gah dogma olursan, gah da yad kimi,Bəlkə əzrailsən qız şəkilində. Üzümə bir ilıq nəfəs toxunur,Qalır o dodaqlar iz şəkilində.Sevginin atəşi gözdən oxunur,Bəlkə əzrailsən qız şəkilində. Günəşin nəfəsi yerə dəymədənYumulub qalırsan göz şəkilində.Artıq yoruluram bu şübhələrdən,Bəlkə əzrailsən qız şəkilində. Səni pillə-pillə, gec ələyim mən,İstərəm tanıyım öz şəkilində.Qorxuram səninlə gecələyim mən,Bəlkə əzrailsən qız şəkilindəBirinci yol salır, ikinci keçir Talehin işinə, vərdişinə bax-Yaxşını bir anda yamandan seçir,Həyatın işinə, gərdişinə bax-Birinci yol salır, ikinci keçir. Görəsən, kimdir o - eşqin hakimi,Zaman da yolunu əzəldən biçir.İlk dəfə yaşanan lap sevgi kimi-Birinci yol salır, ikinci keçir. Ey yarım, sevgilim, gözlə deyəndə,Sevgi də zamanla gözlərə köçür.Tökülən budaqda meyvə dəyəndəBirinci yol salır, ikinci keçir. İnsanı coşdurur eşqi, ilhamı,Tanrı da hərəyə bəxt verir bir cür.Düz olan hardasa pozsa nizamı,Birinci yol salır, ikinci keçir. Əsrlər dolanıb, illər ötsə də,Hər kəs bu torpağın suyundan içir.Bu dünyaya çoxu gəlib-getsə də,Birinci yol salır, ikinci keçir. Dünyanın yükü Bu zalım fələyin çirkin əlindəQarışqa dayanır dəvə belində,Canavar danışır tülkü dilində,Çevrilir üstümə dünyanın yükü. Çırpınır qəfəsdə yaralı quştəkVicdandan sızlayıb döyünmür ürək, Bu ağır əzabı, yükü çəkərək,Çevrilir üstümə dünyanın yükü. Rüşvətə sataraq abır-həyanı,Yaltaqlar çoxalıb tutur hər yanı.Tərəzi gözündən çəkir mizanı,Çevrilir üstümə dünyanın yükü. Könlüm ağlar kaman üstə köklənir,Haqqı deyən hər an sınır, təklənir,Görəndə ki, bahar ötür, qış gəlir,Çevrilir üstümə dünyanın yükü. Kimi milyonları yığır üst-üstə,Qəpiyə möhtacdı ölümcül xəstə.Bu haqsız zamanla qalıb ahəstə-Çevrilir üstümə dünyanın yükü. Dürdanə ABBASQIZI
