Ailəsi ilə bağlı açıqlamaları birmənalı qarşılanmayan müğənni Vəfa Şərifova "Tarixin bir günü" verilişində qonaq olarkən bəzi məqamlara aydınlıq gətirib.
AZXEBER.COM xəbər verir ki, müğənni həyat yoldaşının keçmiş xanımı ilə görüntülərini qızının gördüyünü açıqlayıb.
Vəfa, bu səbəbdən qızına telefon işlətməyi qadağan etdiyini bildirib:
"Məndən uşaqlarımın atası tələb edib ki, hara getsən deyəcəksən ki, mən ailəliyəm, mənim həyat yoldaşım var. Mən bu günə qədər onun bir sözünü iki eləməmişəm və razılaşmışam. İllərdir mən bu söhbətlərdə qınanıram və açıqlama da verməmişəm. Daha sonra məcbur qaldım çünki, uşağım mənə sual verdi ki "Atamın yanındakı o qadın kimdir?" Daş-qalaq edilsəm də dözürdüm çünki başqa bir qadını da incitmək istəmirdim. Amma övladım üçün artıq məcbur qaldım ki, bəzi şeyləri açıqlayım, hamıya aydın olsun bu məsələ.
Ama bəziləri dinc durmadı. Əvvəl yoldaşımın adını verdilər, sonra şəklini, sonra videosunu və bu məsələlər bu qədər ictimailəşdi. Övladının toyu oldu, ordan da onun görüntülərini paylaşdılar. Sənətlə əlaqəsi olmayan onun yanındakı xanımın da görüntülərini yaydılar. Onun da balaları var, bu şeylər o xanıma da pis təsir edir. Övladım o görüntüləri görüb mənə o sualı verdi, mən günlərlə özümə gələ bilmədim. Ona heç bir açıqlama verə bilmədim. Məcbur telefonu almışam əlindən".
Aysel
