Dünən vəfat edən Özbəkistan prezidenti İslam Kərimov dəfn edilib.
Minlərlə yerli sakin dövlət başçısını son mənzilə yola salmaq üçün Səmərqəndin Raqistan meydanına toplaşıb.
Prezidentin cənazəsi Şahi-Zinde kompleksinədək çiyinlərdə aparılıb.
Onun dəfn mərasiminə siyasi arenadan Əfqanıstan, Tacikistan və Türkmənistan prezidentləri, digər ölkələrin rəsmi nümayəndələri, Azərbaycandan isə Milli Məclisin sədri Oqtay Əsədov, Qafqaz Müsəlmanları İdarəsinin sədri Şeyxülislam Hacı Allahşükür Paşazadə və xarici işlər nazirinin müavini Xələf Xələfov qatılıblar. (qafqazinfo)
