"Kişi daş daşıyar, evinə çörək gətirər. Təki övladı ana nəfəsi ilə böyüsün".
AZXEBER.COM xəbər verir ki, bu sözləri "Rəngarəng səhər" verilişində müğənni Bahar Lətifqızı deyib.
Uşaq evində yaşadığı illəri göz yaşı ilə xatırlayan müğənni, travmalarından danışıb:
"İnternatta olanda düşünürdüm ki, burdan çıxıb ata və anamı barışdıracam. Çox ağır günlərim olub, atadan, anadan uzaq. Bu gün atam sağ olsa idi, qarşımda olsa idi sadəcə susardım. Susmaq da sondur. Deməli hər şey bitib. Bibim axdarıb məni, bunu bilirəm, mən də bibimi çox sevirəm, amma atam yoxdu mənim üçün. Vaxt var idi ki, imkansızlıqdan qonşudan çörək alırdıq. Amma axşam olanda evin işıqlarını söndürüb otururduq. Qonşu evdə olduğumuzu bilməsin deyə. Çünki qonşudan çörək alanda deyirdim ki, axşam qaytaracam. Ona isə imkanımız çatmırdı. Ona görə də bu gün yeməsəm də, mənim süfrəmin üstü hər zaman dolu olur. Vaxt olur ki, meyvə xarab olur, atmalı oluram. Amma deyirəm eybi yox, təki evimdə olsun. Bu mənim uşaqlığımdan aldığım travmalardandır. Özümdən asılı olan bir şey deyil. Hətta toyda belə ev yiyəsinə təmbeh edirəm ki, masanın üstü mütləq dolu olsun. Heç özüm yemirəm də, amma gözüm onu görməlidir".
Aysel
