Millətlər Liqasının qrup mərhələsinin son turunda keçirilən Kosovo - Azərbaycan oyununu izləyənlər arasında "Mançester Siti"nin baş məşqçisi Pep Qvardiola da olub.
AZXEBER.COM qol.az-a istinadən xəbər verir ki, bu barədə Britaniya mətbuatı xəbər yayıb.
İspaniyalı mütəxəssis "şəhərlilər"in heyətində çıxış edən Kosovo yığmasının qapıçısı Ariyanet Muriçin debüt oyununu izləyib. Onun gənc qapıçının çıxışından razı qaldığı bildirilir.
Xatırladaq ki, Kosovo - Azərbaycan oyunu meydan sahiblərinin 4:0 hesablı qələbəsi ilə başa çatıb.
