İran İnqilab Keşikçiləri Korpusunun komandirlərindən biri İbrahim Bəyani porno saytlara ən çox daxil olan şəhərlərin siyahısını açıqlayıb.

AZXEBER.COM-un verdiyi məlumata görə, onun sözlərinə görə, siyahıda Tehran porno saytlara ən çox insanın daxil olduğu şəhərlər sırasında birincidir. Bəyani dünyadakı 182 şəhər arasında porno saytlara ən çox müraciət edən şəhərləri müəyyən etdiklərini deyib. Tehranın birinci olduğu siyahıda Şiraz şəhəri 15-ci yeri tutub. Bəyaninin sözlərinə görə, İranda porno saytlara girənlərin sayı Ramazan ayında və aşurə günlərində pik həddə çatır.

Xatırladaq ki, İranda porno və hökumətə müxalif məzmunlu saytlara girişin qarşısını almaq üçün filtrləmə sistemi tətbiq edilir. Lakin bəzi istifadəçilər xüsusi proqramlar vasitəsilə bunu aradan qaldıra bilir. İran höküməti isə bu problemlərin qarşısını almaq üçün “halal internet” adlandırdığı texnologiya üzərində çalışır.