Faktı dəqiqləşdirmək üçün R. Səfərovun atası Sahib Səfərov və Azərbaycanın Macarıstandakı səfirliyi ilə əlaqə saxladıq.
S. Səfərov açıqlamasında qeyd etdi ki, ötən həftənin şənbə günü oğlu ilə telefon əlaqəsi saxlayıb və hər şey qaydasında olub.
“Ramil heç nədən şikayətçi deyildi, fiziki və psixoloji durumu çox yaxşı idi”.
Azərbaycanın Macarıstandakı səfirliyindən isə bildirdilər ki, yayılmış məlumatlar doğru deyil. Səfirliyin əməkdaşları daim onunla görüşürlər, problemləri olub-olmadığı ilə maraqlanırlar.
Qeyd edək ki, R. Səfərov Macarıstanda erməni zabiti Qurqen Marqaryanı öldürməkdə təqsirli bilinərək Budapeşt Şəhər Məhkəməsinin 13 aprel 2006-cı il tarixli hökmü ilə ömürlük azadlıqdan məhrum edilib.
//”Mərkəz”
