Erməni riyakarlığının və saxta təxəyyüllərinin reallaşma simvolu olan bir saytda Azərbaycan QHT rəhbəri tənqid edilib.
Adını çəkmək belə istəmədiyimiz bu xəstəlik mərəzi "Diaspor və Lobbi" Strateji Araşdırma Mərkəzinin rəhbəri Zaur Əliyevi hədəfə alma səbəbi çox sadədir. Ona görə ki, Zaur Əliyev Macarıstanda həbsdə olan azərbaycanlı zabit Ramil Səfərova milli Qəhrəman adının verilməsi təklifi ilə çıxış edib. Bu ermənilərin heç xoşuna gəlməyib.
Ermənilər Azərbaycanın rusdilli saytlarından birindən götürülən həmin xəbəri özlərinə sərf edən formada yerləşdiriblər. Və təbii ki, erməni riyakarlığı, həyasızlığı və şəratması ədviyya kimi istifadə olunub. Bu azmış kimi təşkilat rəhbərinin facebook profaylına əlində balta tutmuş erməni şəkili yerləşdirməyi və "Səni bu balta ilə öldürərik" şərhi yazmağı belə unutmayıblar.
