Macarıstanda ömürlük həbs olunan, sonradan Azərbaycana ekstradisiya olunan və əfv olunaraq azadlığa çıxan Milli Ordunun zabiti Ramil Səfərov ailə həyatı qurub.
AZXEBER.COM-un məlumatına görə, "Meridian" restoranında təşkil olunmuş toy məclisində məhdud sayda qonaqlar iştirak edib. Sevib-seçdiyi Şəbnəm Gülməmmədova ilə ailə həyatı quran zabitimizin toy mərasiminin keçirildiyi məkanda səhər saatlarından təhlükəsizlik tədbirləri gücləndirilib.
Mərasimi xalq artisti Arif Babayev açıb. Daha sonra tanınmış müğənnilərdən Vasif Məhərrəmli, Sevda Yəhyayeva, Manaf Ağayev,muğam ifaçısı İlkin Əhmədov və digər estrada ulduzları çıxış edib.
