Xəbər verdiyimiz kimi, Ağ Evin rəsmi saytında Azərbaycanla bağlı 2 petisiya yerləşdirib.
Petisiyada ABŞ administrasiyasından Xocalı qurbanlarının xatirəsinə həsr edilmiş proklamasiyanın qəbul olunması, həmçinin həmin hadisənin hərbi cinayət kimi tanınması xahiş edilir.Petisiyanı imzalayanlar ABŞ prezidenti Barak Obamanın administrasiyasını Xocalıdakı qanlı qırğınları tanımağa, faciə qurbanlarının xatirəsini anmağa, proklamasiya qəbul etməyə çağırır.Dağlıq Qarabağla bağlı olan petisiyada isə münaqinin 20-ci əsrin ən faciəli münaqişəsi kimi milyonlarla azərbaycanlının taleyində iz qoyduğuna, 1 milyondan artıq insanın doğma yurd-yuvasından qaçqın və məcburi köçkün olduğuna diqqət çəkilir və ABŞ ATƏT-in Minsk qrupunun həmsədri kimi münaqişənin həllində fəal iştirak etməyə çağırılır.Xocalı ilə bağlı olan petisiyada 100 min səs yığılıb. Dağlıq Qarabağla bağlı petisiyaya isə bu günə qədər 95 min insan imza atıb. Petisiyanın müddəti 22 fevralda bitir.Qeyd edək ki, Ağ Ev-in rəsmi saytında petisiyalara ilk olaraq 25 min imza tələb olunsa da, sonradan bu rəqəm 100 minə qaldırılıb.məsələylə bağlı ASAIF-in sədri Ramin Həkimovdan münasibət öyrəndik. O bildirdi ki, Azərbaycan insanı bu məsələdə həmrəylik göstərib və bu işdə ASAİF üzvləri də aktivlik göstərib:“Bu petisiyalar sayta yerləşdirilən ilk gündən etibarən ASAIF üzvləri bu işdə aktiv fəaliyyət göstərilir. Bildiyiniz kimi, bu gün dünyanın 240 şəhərində azərbaycanlı tələbələr təhsil alır. Biz emaillər vasitəsiylə bütün üzvlərimizi bu aksiyaya qoşulmağa dəvət etmişik. Bundan başqa sosial şəbəkələrdə gün ərzində dəfələrlə bu petisiyaları paylaşmışıq.Bu işdə təkcə ASAIF fəalları deyil, dünyanın dörd bir yanında yaşayan həmyerlilərimiz aktivlik nümayiş etdiriblər. Əslində, Xocalıyla bağlı petisiyaya imzaların 2 həftə öncə toplanması da gücümüzün göstəricisidir.
Əvvəl petisiyayla bağlı 25 min səs tələb olunurdu, sonra bu rəqəm 100 minə qaldırıldı. Əminəm ki, bu rəqəm 150 min, 200 min olsaydı yenə də biz bu imzaları toplaya biləcəkdik”.Ramin Həkimov Xocalı soyqırımının 21-ci ildönümüylə əlaqadər ASAIF-in təşkil edəcəyi tədbirlər haqda da danışıb: Fevral ayının 23-ü Londonda “Trafalqar” Meydanında Xocalıyla bağlı möhtəşəm aksiya keçirməyi planlaşdırırıq.Aksiya 4 saat davam edəcək. Bundan başqa Böyük Britaniyada 10-a yaxın universitetdə Xocalı tədbirləri baş tutacaq, Xoca filminin nümayişi olacaq. Londonda, Mançesterdə, Exeter və Essex şəhərlərində konfranslar, tədbirlər keçiriləcəkBu tədbirlər Böyük Britaniyadakı səfirliyimizin dəstəyi və iştirakıyla baş tutacaq. ASAIF İngiltərəylə yanaşı Kanada, Hollandiya, Belçikada, Türkiyədə də soyqırımla bağlı tədbirlər keçiriləcək, yerli sakinlərə Xocalı həqiqətlərini özündə əks etdirən bukletlər paylanacaq.
