Rauf Arifoğlu “musavat.com”u dəyişdirdi

Saytda artıq 5 deyil, 15 manşet xəbəri birbaşa ekranda görünür və onlar bir-iki saniyəlik intervalla bir-birini əvəz edir. Siz onlardan istədiyinizi seçməklə oxuya bilərsiniz. Ən yuxarıdakı flaş xəbərlərin sayı da artırılıb. Buraya əsasən gün ərzində baş verən ən yeni və qaynar hadisələrlə bağlı xəbərlər yerləşdiriləcək. Sağdakı ox işarəsini basmaqla artıq ekranda görünməyən xəbəri də oxuya bilərsiniz.Köşə yazıları da rotasiyalı qaydada, beş-beş ekrana gəlir. Onları da eyni cür seçməklə oxumaq mümkündür."Foto-fakt", "Vaxt axarı", "Video", "Karikatura" kimi bölümlərin ekranda kiçik görünməsinə baxmayın, onları kursorla böyüdərək daha böyük formatına, habelə arxivinə baxa bilərsiniz.Müəyyən qüsurlar da olmamış deyil. Onları zamanla, iş prosesində aradan qaldırmağa və oxucuların saytdakı materialları asanlıqla tapmasına şərait yaratmağa çalışacağıq.Əvvəldə bu, sizə bir qədər qəliz görünə bilər, amma çox keçmədən vərdiş edəcəksiniz.Yəqin ki, hamınız dəyişərək inkişaf etmək, sadədən mürəkkəbə doğru istiqamət götürməyə tərəfdarsınız.