Razi Nurullayev qolundan əməliyyat olunacaq

Avtomobil qəzasında qolu sınan AXCP sədrinin müavini Razi Nurullayevin səhhəti qismən sabitləşib. Məlumatı “Media forum” saytına Razi Nurullayevin dostu Rufiz Qonaqov verib. Rufiz Qonaqov bildirib ki, yanvarın 8-nə təyin olunmuş cərrahiyyə əməliyyatı bu günə qalıb: “Həkimlər Razinin vəziyyətinin normallaşmasını gözlədilər. Razinin qolunda əməliyyat sabah günün birinci yarısına planlaşdırılıb”. Razi Nurullayev yanvarın 5-də Bakıda yol qəzasına uğrayıb. Onun maşını yük maşını ilə toqquşub. AXCP sədrinin müavini və həyat yoldaşı Könül Nağıyeva xəsarət alıblar. Onlar Kliniki Tibbi Mərkəzdə müalicə alırlar.